സ്നേഹച്ചരടുകളാലെന്നെ യേശു ചേർത്തു ബന്ധിച്ചു തൻ- കുരിശോടെന്നെയൊന്നിച്ചു ഞാനെല്ലാം തന്നിലർപ്പിച്ചു തിന്മയേറും വഴികളിൽ ഞാൻ നടന്നകന്നല്ലോ എൻ കാൽകൽ ഇടറി വീണല്ലോ തേടിവന്നു ജീവൻ തന്നു കണ്ടെടുത്തല്ലോ എന്നെ താൻ വീണ്ടെടുത്തല്ലോ പന്നി തിന്നും തവിടു പോലും ഉലകം തന്നില്ല തുണയ്ക്കായ് ആരും വന്നില്ല ദൈവമല്ലാതിത്രനല്ലോരാരുമേയില്ല സഹായം നൽകുവോരില്ല തന്റെ ദിവ്യ സന്നിധാനം തരും സമാധാനം മറ്റെല്ലാം ഭീതിയിൻ സ്ഥാനം അളവുമില്ല അതിരുമില്ല അന്തവുമില്ലാ- സന്തോഷം ക്രിസ്തുവിലുണ്ട് ഉലകമേ നീ ഉയർച്ച നൽകി ഉപചരിക്കേണ്ട എന്നെ നീ ആകർഷിക്കേണ്ട കുരിശെടുത്തെൻ ഗുരുവിൻ പിൻപേ പോകണമല്ലാതെനിക്കിന്നാശ വേറില്ല അവനടിമ അനുഭവിക്കും സ്വാതന്ത്ര്യം പോലെ വേറില്ല സ്വാതന്ത്ര്യമേതും അന്ത്യശ്വാസം പോംവരെ തൻ വേല ചെയ്യും ഞാൻ തൃപ്പാദ സേവ ചെയ്യും ഞാൻ
രചന, സംഗീതം: എം ഇ ചെറിയാൻ
ആലാപനം: കൃപ, സൂസൻ ബെനായ
പശ്ചാത്തലസംഗീതം: റിജോയ് പൂമല