Song

യേശുവിനെ നാം കൈക്കൊണ്ടത് പോല്‍

യേശുവിനെ നാം കൈക്കൊണ്ടത് പോല്‍
നല്ലിടയനോടെന്നും ചേര്‍ന്ന് നടക്കാം
കൂട്ടുകൂടുവാന്‍ കൂടെഇരിപ്പാന്‍
കൂടെനടപ്പാന്‍ കൂടെയുണ്ടേശു

യേശു വന്ന ഉള്ളത്തില്‍ സ്വര്‍ഗ്ഗരാജ്യമേ
നീതി സമാധാനം സന്തോഷമേ
ആമോദമേ പരമാനന്ദമേ
ക്രിസ്തുവിന്‍ മഹിമകണ്ട സാക്ഷികള്‍ നാം

ദേവാധി ദേവന് സ്തോത്രം ചെയ് വിന്‍
അവന്‍ തന്‍ ജനത്തെ പാലിക്കുന്നു
കര്‍ത്താധി കര്‍ത്താന് സ്തുതി പാടുവിന്‍
തൃക്കയ്യില്‍ നമ്മെ വഹിക്കുന്നവന്‍

താഴ്ചയില്‍ നമ്മെ ഓര്‍ത്തവനാം
വൈരിയില്‍ നിന്നും വിടുവിച്ചവന്‍
സകല ജഡത്തിനും ആഹാരം നല്‍കി
കരുതും ദൈവം സ്തുതിക്കു യോഗ്യന്‍

യേശു എന്റെ പ്രാണനെ മൃത്യുവില്‍ നിന്നും
എന്റെ കണ്ണിനെ കണ്ണുനീരില്‍ നിന്നും
എന്റെ കാലിനെ വീഴ്ചയില്‍ നിന്നും
ഇന്നയോളം വിടുവിച്ചു വന്‍കൃപയാല്‍

രചന: കൃപയാല്‍ ജോണ്‍ വിശ്വംഭരന്‍
ആലാപനം‌: ബെന്നി ജോണ്‍
പശ്ചാത്തല സംഗീതം: ജോണി കെ. ജോണ്‍

Most Popular

To Top