Song

വരുവിന്‍ യേശുവിനരികില്‍

വരുവിന്‍ യേശുവിനരികില്‍
എത്ര നല്ലവന്‍ താന്‍ രുചിച്ചറികില്‍
വരുവിന്‍ കൃപകള്‍ പൊഴിയും കുരിശിന്നരികില്‍

കൃപമേല്‍ കൃപയാര്‍ന്നിടുവാന്‍
നമ്മള്‍ പരമ പാദം ചേര്‍ന്നിടുവാന്‍
ധരയില്‍ നടന്ന തന്‍ ചരണം
നിങ്ങള്‍ക്കരുളും ശാശ്വത ശരണം
അല്ലും പകലും മുന്‍പില്‍ നില്‍പ്പവന്‍ തുണയായ്

പരിശോധനകള്‍ വരികില്‍
മനം പതറാതാശ്രയിച്ചിടുകില്‍
ബലഹീനതയില്‍ കവിയും
കൃപ മതിയെന്നാശ്വസിച്ചിടുകില്‍
വിരവില്‍ വിനകള്‍ തീരും സകലവും ശുഭമായ് !

സ് നേഹിതരേവരും വെടിഞ്ഞാല്‍
അതു യേശുവിനോട് നീ പറഞ്ഞാല്‍
സ് നേഹിതരില്ലാക്കുരിശില്‍
പെട്ട പാടുകളെഴും തന്‍ കരത്താല്‍
നന്നായ് നടത്തും വീട്ടില്‍ ചേരും വരെയും

രചന: എം. ഇ. ചെറിയാന്‍

ആലാപനം‌: കെസ്റ്റര്‍
പശ്ചാത്തലസംഗീതം: ജെറി അമല്‍ദേവ്

ആലാപനം‌: കെസ്റ്റര്‍
പശ്ചാത്തലസംഗീതം: വയലിന്‍ ജേക്കബ്‌

The Latest

To Top