Song

ഉണ്ടെനിക്കായൊരു മോക്ഷവീട്

ഉണ്ടെനിക്കായൊരു മോക്ഷവീട്
ഇണ്ടലകന്നു ഞാന്‍ വാഴുമങ്ങ്
ദൈവമുണ്ട് അങ്ങ് പുത്രനുണ്ട്
ആത്മാവുണ്ട് ദൈവ ദൂതരുണ്ട്

കൂടാരമാകുന്ന എന്‍ ഭവനം
വിട്ടകന്നാല്‍ എനിക്കേറെ ഭാഗ്യം
കൈകളാല്‍ തീര്‍ക്കാത്ത മോക്ഷവീട്ടില്‍
വേഗമായിട്ടങ്ങു ചെന്നു ചേരും

കര്‍ത്തനേശു തന്‍റെ പൊന്‍ കരത്താല്‍
ചേര്‍ത്തിടുമായതിലെന്നെയങ്ങ്
ഒട്ടുനാള്‍ കണ്ണുനീര്‍ പെട്ടതെല്ലാം
പെട്ടെന്നു നീങ്ങിടുമേ തിട്ടമായ്

പോകാമെനിക്കെന്റെ രക്ഷകന്റെ
രാജ്യമതിനുള്ളില്‍ വാസം ചെയ്യാന്‍
രോഗം ദുഃഖം പീഡയൊന്നുമില്ല
ദാഹം വിശപ്പങ്ങുമൊട്ടുമില്ല

ഈ വിധമായുള്ള വീട്ടിനുള്ളില്‍
പാര്‍ക്കുവാന്‍ എന്നുള്ളം വാഞ്ചിക്കുന്നു
എന്നു ഞാന്‍ ചെന്നങ്ങു ചേരുമതില്‍
പിന്നീടെനിക്കാപത്തൊന്നുമില്ല

ആലാപനം: രാധിക തിലക്
പശ്ചാത്തലസംഗീതം: ജോസ് മാടശ്ശേരി

The Latest

To Top