Song

സൂര്യനൊളിഞ്ഞു വാനമിരുണ്ടു

സൂര്യനൊളിഞ്ഞു വാനമിരുണ്ടു
സ്വസ്ഥമായി പക്ഷിഗണങ്ങള്‍
നീര്‍ത്തോടി ലേക്കു മാനെന്ന പോല്‍
കാംക്ഷിക്കുന്നു തവമുഖം ഞാന്‍

കണ്ണിന്‍ മണി പോല്‍ പകല്‍ മുഴുവന്‍
ശാന്തി നല്‍കി കാത്ത കൃപയ്ക്കായ്‌
ചന്തമായാഹാരവസ്ത്രാദി കളും
തന്ന ദയയ്ക്കായ് വന്ദനം

കടലിന്‍ മീതെ ഇരുളിന്‍ മദ്ധ്യേ
കാലിടറി വീണ ശിഷ്യരെ
ശങ്കിക്കാതെ താങ്ങി എഴുന്നെല്‍പ്പിച്ചോ
കിടക്കമേല്‍ താങ്ങുകെന്നെയും

ബേഥാന്യയിലെ ചെറുഭവനേ
കാത്തനുഗ്രഹിച്ച നാഥനേ
അര്‍ദ്ധരാത്രിയിലെ ആര്‍പ്പുവിളിക്കായ്
ഒരുങ്ങിയിരിക്കാന്‍ തുണയ്ക്കു

പകലില്‍ വന്ന വീഴ്ചതാഴ്ചകള്‍
പോറുത്തെന്നെ അണച്ചിടണേ
ചന്ദ്രമുഖംപോല്‍ അന്തരംഗത്തെ
ശുദ്ധമാക്കി ആശിര്‍വദിക്കൂ

നിദ്രയിലെനിക്കു ഭദ്രതയേകി
വിശ്രമമരുളൂ നിന്‍ പാതേ
ദൂതസഞ്ചയത്തെ കാവലായ് നല്‍കി
ദൃഷ്ടിവച്ചെന്നെ നീ കാത്താലും

കൈപ്പണിയല്ലാത്ത നിന്റെ രാജ്യത്തില്‍
രാത്രിയില്ല സ്വര്‍പ്പുരികളില്‍
നീതിസൂര്യനുദിക്കും സല്‍ പ്രഭാതത്തില്‍
ചേരുവാന്‍ കാംക്ഷിക്കുന്നു മനം

രചന: ഡോ. ഏഴംകുളം സാംകുട്ടി
ആലാപനം: കോട്ടയം ജോയ്
പശ്ചാത്തല സംഗീതം: ജെ. വി. പീറ്റര്‍

The Latest

To Top