Home

പരലോകഭാഗ്യം പാപിയെന്നുള്ളിൽ

പരലോകഭാഗ്യം പാപിയെന്നുള്ളിൽ
പകരുന്നൊരു ദേവനേ
നിൻ പുകൾ പാടി വാഴ്ത്തിടും ഞാൻ

സാത്താനിൻ ചതിയാലേ ഞാൻ പാപിയായാലും
കർത്താവു തള്ളാതെ ചേർത്തെന്നെ തിരുമാറിൽ

ഒരുനാളുമെൻ നാവിൽ തിരുനാമം ചൊല്ലുവാൻ
അണുപോലും അർഹത ഇല്ലാത്ത പാപി ഞാൻ
തിരുനാമം കീർത്തനം രക്ഷയിൽ പുതുഗാനം
ഉരു മോദം പാടുന്നു സന്തോഷ സ്തുതിഗാനം

ആയുസിന്നറുതിയിൽ അക്കരെ നാട്ടിൽ ഞാൻ
ആനന്ദക്കണ്ണീർ തൂകിനിൽക്കും നേരം
അരികിൽ വരും നാഥൻ കണ്ണീർ തുടയ്ക്കും തൻ
തിരുമെയ് അഴകിൻ ഒളിയിൽ മുഴുകും ഞാൻ



രചന: എം. ഇ. ചെറിയാൻ
ആലാപനം: ജെയ്സൺ സി. സോളമൻ
പശ്ചാത്തലസംഗീതം: ഐസക് ജോൺ

Save

The Latest

To Top