Song

നിത്യവന്ദനം നിനക്കു സത്യദൈവമേ

നിത്യവന്ദനം നിനക്കു സത്യദൈവമേ
സ്തോത്രവും ജയവും യോഗ്യം അത്യുന്നതനേ

മർത്യകുലത്തിൻ സൃഷ്ടാവേ നിത്യ പിതാവേ
സത്യവിശ്വാസികൾ ചെയ്യും സ്തോത്രം നിനക്കേ

എത്രയും മനോഹരം നിൻ കൃത്യങ്ങളെല്ലാം
ചിത്രമതിചിത്രമവ എത്രയോ ശ്രേഷ്ഠം

മാനവകുലത്തിൻ പാപം മോചനം ചെയ്‍വാൻ
ഹീനമാം കുരിശിൽ ശാപം തീർത്ത പരനേ

തന്നിൽ വിശ്വസിക്കുന്നവർക്കെന്നേക്കും മോക്ഷം
തന്നരുളാൻ ഉന്നതത്തിൽ ചേർന്ന പരനേ

സർവ ബഹുമാനം സർവ മഹത്വം സ്തുതിയും
സ്വർവേശ്വരനായ യഹോവയ്‌ക്ക് താൻ ആമേൻ!

The Latest

To Top