Home

കരുണാസനത്തിലിരിക്കും കര്‍ത്താവേ

കരുണാസനത്തിലിരിക്കും കര്‍ത്താവേ നിന്‍റെ
മരണം ഓര്‍ത്തിന്നും സ്തുതിക്കും
ശരണം നീ അല്ലാതെ മറ്റൊരുവനുമില്ലീ ഭൂവില്‍
വരണം അടിയാര്‍ക്കു നിന്‍ ഭരണം നല്കിടുവാനായ്

ന്യായാസനസ്ഥനല്ലേ നീ വലിയ വെള്ള
സിംഹാസനവും നിന്റേത്
മായാലോകം ഭരിക്കും സാത്താനെ തോല്‍പ്പിക്കുവാന്‍
കായം ബലികഴിച്ചൊരാചാര്യരാജനും നീ

ആഴ്ചവട്ടത്തിനൊന്നാം നാള്‍ തിരുമുന്പാകെ
കാഴ്ചയുമായി വരുന്നേന്‍
വീഴ്ചതാഴ്ചകള്‍ ഒന്നും നോക്കാതടിയാരുടെ
നേര്‍ച്ചകള്‍ തൃക്കണ്‍ പാര്‍ത്തു ചേര്‍ത്തുകൊള്‍ കൃപയോടു

മാനംമഹിമകള്‍ക്കെല്ലാം യോഗ്യനാം അങ്ങേ
ധ്യാനിച്ചു സ്തോത്രം ചെയ്യുന്നേന്‍
വാനസേനാദികളും നിന്നെ വണങ്ങിടുമ്പോള്‍
മാനവേന്ദ്ര നിനക്കു നിത്യം മഹത്വം ആമേന്‍

രചന: പേരിശ്ശേരി മത്തായിച്ചന്‍ (കെ.എന്‍. മാത്യു)
ആലാപനം‌: കുട്ടിയച്ചന്‍
പശ്ചാത്തലസംഗീതം: ഐസക് ജോണ്‍

 

The Latest

To Top