Jaison C Solomon

എന്നേശുവേ നീ എന്റെ സ്വന്തമേ

എന്നേശുവേ നീ എന്റെ സ്വന്തമേ
എന്നാശ്രയം നീ മാത്രമെന്നുമേ

നീറുന്ന വേദന എറിടും നേരത്ത്
നീ മതി നാഥനെ എന്‍ ചാരത്തു
നാനാ പരീക്ഷയാല്‍ ഞാന്‍ വലയുമ്പോള്‍
നീ തരും തോരാത്ത വന്‍ കൃപകള്‍

പാരിതില്‍ കഷ്ടത വര്‍ദ്ധിക്കും വേളയില്‍
പാലകന്‍ നീ മതി സന്തോഷമായ്
പേര് ചൊല്ലി ശത്രു പരിഹസിക്കുമ്പോള്‍
ചേരും ഞാന്‍ നിന്ദയേറ്റ  നിന്റെ കൂടെ

അല്ലിലും പകലിലും മാറ്റമില്ലാത്തവന്‍
നല്ലവന്‍ ദൈവം നീ മാത്രമാം
വല്ലഭന്‍ നിന്‍ നാമ കീര്‍ത്തനം ചെയ്തു
നല്ല പോര്‍ പൊരുതി ഞാന്‍ ഓട്ടം തികയ്ക്കും


രചന: കൊച്ചുബേബി (ഹ്യൂസ്റ്റണ്‍)
ആലാപനം: ജയ്സണ്‍
പശ്ചാത്തല സംഗീതം: സുനില്‍ സോളമന്‍

The Latest

To Top