Song

അത്യുന്നതൻ മറവിൽ വസിച്ചിടുമ്പോൾ

അത്യുന്നതൻ മറവിൽ വസിച്ചിടുമ്പോൾ
സർവശക്തൻ നിഴലിൽ പാർത്തിടുമ്പോൾ
ഒരു ബാധയും നിന്നോടടുക്കുകില്ല
ഒരു അനർത്ഥവും നിന്റെ മേൽ ഭവിക്കയില്ല

ലോകത്തിൻ പ്രഭുക്കന്മാർ ഭ്രമിച്ചിടുമ്പോൾ
ലോകത്തിൻ ശക്തികൾ ക്ഷയിച്ചിടുമ്പോൾ
ശങ്കിക്കേണ്ട ഭ്രമിക്കേണ്ട കലങ്ങിടേണ്ട
ദൈവത്തിൻ കരങ്ങളിൽ താണിരിക്കാം

ഉന്നതദൈവത്തിൻ നീതിയവൻ
തന്റെ ജനത്തിന്മേൽ നിറവേറിടും
ദൈവത്തിന്റെ ആഴത്തെ അളന്നിടുവാൻ
ലോകത്തിന്റെ ജ്ഞാനത്താൽ അസാദ്ധ്യമേ

ഉണർന്നെഴുന്നേറ്റു നാം ഒരുങ്ങിടാം
ദൈവത്തിൻ കാഹളം മുഴങ്ങിടാറായി
നൊടിയിട നേരത്തെ കഷ്ടം മറന്നു
നിത്യ തേജസിൻ മഹത്വത്തെ ധ്യാനിച്ചിടാം

രചന: ജെസ്സി ജോൺസൻ
ആലാപനം: ജോൺസൻ ടി. എഫ്
സംഗീതം, പശ്ചാത്തലസംഗീതം: എഡ്വിൻ ജോൺസൻ

The Latest

To Top