Song

ആശ്രയം യേശുവില്‍ എന്നതിനാല്‍

ആശ്രയം യേശുവില്‍ എന്നതിനാല്‍
ഭാഗ്യവാന്‍ ഞാന്‍ ഭാഗ്യവാന്‍ ഞാന്‍
ആശ്വാസം എന്നില്‍ താന്‍ തന്നതിനാല്‍
ഭാഗ്യവാന്‍ ഞാന്‍ ഭാഗ്യവാന്‍ ഞാന്‍

കാരിരുള്‍ മൂടും വേളകളില്‍
കര്‍ത്താവിന്‍ പാദം ചേര്‍ന്നിടും ഞാന്‍
കാരിരുമ്പാണിയിന്‍ പാടുള്ള പാണിയാല്‍
കരുണ നിറഞ്ഞവന്‍ കാക്കുമെന്നെ

തന്നുയിര്‍ തന്ന ജീവ നാഥന്‍
എന്നഭയം എന്‍ നാള്‍ മുഴുവന്‍
ഒന്നിനും തന്നിടം എന്നിയെ വേറെങ്ങും
ഓടേണ്ട താങ്ങുവാന്‍ താന്‍ മതിയാം

കാൽവരി നാഥനെൻ രക്ഷകൻ
കല്ലറയ്ക്കുള്ളൊടുങ്ങിയില്ല
മൃത്യുവെ വെന്നവൻ അത്യുന്നതൻ വിണ്ണിൽ
കർത്താധി കർത്താവായ് വാഴുന്നവൻ – വാഴുന്നവൻ

ഇത്ര സൗഭാഗ്യം ഇക്ഷിതിയിൽ
ഇല്ല മറ്റെങ്ങും നിശ്ചയമായ്
തീരാത്ത സന്തോഷം ക്രിസ്തുവിലുണ്ടെന്നാൽ
തോരാത്ത കണ്ണീരേ മന്നിലുള്ളൂ – മന്നിലുള്ളൂ

രചന: എം. ഇ ചെറിയാൻ
ആലാപനം: കുട്ടിയച്ചന്‍

The Latest

To Top