Binoy Chacko

അന്‍പു നിറഞ്ഞവനാം മനുവേല്‍ തമ്പുരാനേ അടിയാര്‍

അന്‍പു നിറഞ്ഞവനാം മനുവേല്‍ തമ്പുരാനേ അടിയാര്‍
കമ്പി വീണ സ്വരങ്ങള്‍ മുഴക്കി കുമ്പിടുന്നാദരവാല്‍

പാദം വണങ്ങിടുന്നേന്‍ സ്വാമിന്‍ തൃപ്പാദം വണങ്ങിടുന്നേന്‍
മോദം വളര്‍ന്നിടുന്നേന്‍ മനതാര്‍ പ്രേമം നിറഞ്ഞിടുന്നേന്‍

എങ്ങു പോകുന്നു കാന്താ അവിടെ ഞങ്ങളും വന്നിടുവാന്‍
തിങ്ങിന കാന്തിയെഴും വലംകൈ തന്നു നടത്തേണമേ

കാട് മലകളുണ്ടേ വനത്തില്‍ ഘോരമൃഗങ്ങളുണ്ടേ
വീട് മുറിച്ചിടുന്നോര്‍ കള്ളര്‍ വഴി നീളെ ഇരുപ്പുമുണ്ട്

ഒട്ടും വഴങ്ങിടാത്തൊരിസ്മായില്‍ പുത്രനും അമ്മയുമീ
വീട്ടില്‍ വളര്‍ന്നു വന്നാല്‍ കലഹം ഏറ്റം പെരുകിടുമേ

തട്ടി വെളിക്കിവരെ ഇറക്കി വിട്ടു കളഞ്ഞിടാഞ്ഞാല്‍
വീട്ടില്‍ ഐസക് സുഖേന പാര്‍ക്കുമെന്നൊട്ടും നിനച്ചിടേണ്ട

സൂര്യനുദിച്ചുയരും സമയം കാരിരുള്‍ നീങ്ങിടുമേ
സ്വാമി തിരുച്ചുവരുമളവില്‍ ഖേദ മൊഴിഞ്ഞിടുമേ

രാജനമസ്കാരം സ്വര്‍ല്ലോക രാജനമസ്കാരം
സര്‍വവും സൃഷ്ടി ചെയ്തോരനാദ്യനാം ദേവാ നമസ്കാരം


രചന: കെ. എന്‍. മാത്യു (പേരശേരി മത്തായിച്ചന്‍)
ആലാപനം: ബിനോയ്‌ ചാക്കോ
പശ്ചാത്തല സംഗീതം: ഐസക് ജോണ്‍

Most Popular

To Top