Binoy Chacko

സ്തുതി സ്തുതി എന്‍ മനമേ

സ്തുതി സ്തുതി എന്‍ മനമേ
സ്തുതികളില്‍ ഉന്നതനെ
നാഥന്‍ നാള്‍തോറും ചെയ്ത
നന്മകളെ ഓര്‍ത്തു
പാടുക നീ എന്നും മനമേ

അമ്മയെപ്പോലെ താതന്‍
തലോലിച്ചണച്ചിടുന്നു
സമാധാനമായ്‌ കിടന്നുറങ്ങാം
തന്റെ മാറില്‍ ദിനം ദിനമായ്‌
തന്റെ മാറില് ദിനം ദിനമായ്

കഷ്ടങ്ങള്‍ ഏറിടിലും
എനിക്കേറ്റം അടുത്ത തുണയാം
ഘോര വൈരിയിന്‍ നടുവിലവന്‍
മേശ നമുക്കൊരുക്കുമല്ലോ

ഭാരത്താല്‍ വലഞ്ഞിടിലും
തീരാ രോഗത്താല്‍ അലഞ്ഞിടിലും
പിളര്‍ന്നിടുമോരടിപ്പിണരാല്‍
തന്നിടുമേ രോഗ സൌഖ്യം

ആലാപനം: ബിനോയ്‌ ചാക്കോ, വിമ്മി
പശ്ചാത്തല സംഗീതം: ഐസക് ജോണ്‍

Most Popular

To Top