Uncategorized

സര്‍വ്വലോക സൃഷ്ടിതാവേ സര്‍വ്വത്തിനും നാഥാ

സര്‍വ്വലോക സൃഷ്ടിതാവേ സര്‍വ്വത്തിനും നാഥാ
സര്‍വ്വ സൃഷ്ടികളും വാഴ്ത്തി വന്ദിക്കും മഹേശാ

വാഴ്ത്തിടുന്നു വാഴ്ത്തിടുന്നു വാഴ്ത്തിടുന്നു നാഥാ
കീര്‍ത്തിക്കുന്നു ഘോഷിക്കുന്നു ആര്‍ത്തു മോദമോടെ

എണ്ണമില്ലാ ദൂതര്‍ സംഘം വഴ്ത്തിടുന്ന ദേവാ
ഖര്‍ബികളും സ്രാഫികളും പുകഴ്ത്തും മഹേശാ

വാനം ഭൂമി സൂര്യ ചന്ദ്ര നക്ഷത്രാദികളെ
മാനമായ്‌ ചമച്ച ദേവാ നാഥനെ മഹേശാ

ജീവനുള്ള സര്‍വത്തിനും ഭക്ഷണം നല്കുന്ന
ജീവനാഥാ ദേവദേവാ പാഹിമാം മഹേശാ

വൃക്ഷ സസ്യാദികള്‍ക്കെല്ലാം ഭംഗിയെ നല്കുന്ന
അക്ഷയനാം ദേവദേവാ പാഹിമാം മഹേശാ

ഗംഭീരമായ്‌ മുഴങ്ങിടും വമ്പിച്ച സമുദ്രം
തമ്പുരാന്റെ വാക്കിനങ്ങു കീഴ്പ്പെടും മഹേശാ

ഊറ്റമായടിക്കും കൊടും കാറ്റിനെയും തന്റെ
ശ്രേഷ്ഠ കരം തന്നില്‍ വഹിച്ചിടുന്ന മഹേശാ

ദുഷ്ടരാകും ജനങള്‍ക്കും നീതിയുല്ലവര്‍ക്കും
വന്‍ മഴയും നല്‍ വെയിലും നല്കുന്ന മഹേശാ

സ്വര്‍ഗ്ഗത്തിലും ഭൂമിയിലും സര്‍വ ലോകത്തിലും
സ് തോത്രത്തിനു യോഗ്യനായ കീര്‍ത്തി തന്‍ മഹേശാ

മൂവുലകം തന്റെ പാദം തന്നില്‍ വണങ്ങിടും
നിന്‍ മഹത്വം വെളിപ്പെടും ആ ദിനം മഹേശാ

Most Popular

To Top