Denny Kuruvila

ശ്രീയേശു നാമം

ശ്രീയേശു നാമം അതിശയ നാമം
എഴയെനിക്കിമ്പ നാമം

പാപ പരിഹാരാര്‍ത്ഥം പാതകരെ തേടി
പാരിടത്തില്‍ വന്ന നാമം
പാപമറ്റ ജീവിതത്തിന്‍ മാതൃകയെ കാട്ടിത്തന്ന
പാവനമാം പുണ്യ നാമം

എണ്ണമില്ലാ പാപം എന്നില്‍ നിന്നും നീക്കാന്‍
എന്നില്‍ കനിഞ്ഞ നാമം
അന്ന്യനെന്ന മേലെഴുത്ത് എന്നേയ്ക്കുമായ് മായ്ച്ചു തന്ന
ഉന്നതന്റെ വന്ദ്യ നാമം

വാനം ഭൂമി ഏവം പാതാളമൊരുപോല്‍
വാഴ്ത്തി വണങ്ങും നാമം
വനിലും ഭൂവിലും ഉള്ള എല്ലാ അധികാരത്തെയും
ആയുധം വെപ്പിച്ച നാമം

എല്ലാ നാമത്തിലും മേലായ നാമം
ഭക്തര്‍ ജനം വാഴ്ത്തും നാമം
എല്ലാ മുഴംകാലും മടങ്ങിടും തിരുമുമ്പില്‍
വല്ലഭത്വം ഉള്ള നാമം

ഭൂത ബാധിതര്‍ക്കും നാനാ വ്യാധിക്കാര്‍ക്കും
മോചനം കൊടുക്കും നാമം
കുരുടര്‍ക്കും മുടന്തര്‍ക്കും കുഷ്ഠ രോഗികള്‍ക്കുമെല്ലാം
വിടുതലും നല്കും നാമം

നീതിയോടെ രാജ്യ ഭാരമേല്ക്കാന്‍ ഭൂവില്‍
വേഗം വരുന്ന നാമം
നാടുവാഴികളാം തന്റെ സിദ്ധരുമായ്‌ ദാവീദിന്‍
സിംഹാസനത്തില്‍ വാഴും നാമം

ഗാനം ഇവിടെ കേള്‍ക്കാം

ആലാപനം: ഡെന്നി കുരുവിള

Most Popular

To Top