Biju

ലോകേ ഞാനെന്‍ ഓട്ടം തികച്ചു

ലോകേ ഞാനെന്‍ ഓട്ടം തികച്ചു
സ്വര്‍ഗ്ഗ ഗേഹേ വിരുതിനായി
പറന്നിടും ഞാന്‍ മറു രൂപമായ്‌
പരനേശു രാജന്‍ സന്നിധൌ

ദൂത സംഘ മാകവേ എന്നെ എതിരേല്ക്കുവാന്‍
സദാ സന്നദ്ധരായ്‌ നിന്നിടുന്നെ
ശുഭ്ര വസ്ത്ര ധാരിയായ്‌ എന്റെ പ്രിയന്റെ മുന്‍പില്‍
ഹാലേലുയ്യ പാടിടും ഞാന്‍

ഏറെ നാളായ്‌ കാണ്മാന്‍ ആശയായ്‌
കാത്തിരുന്ന എന്റെ പ്രിയനേ
തേജസോടെ ഞാന്‍ കാണുന്ന നേരം
തിരു മാര്‍വോടണഞ്ഞിടുമേ

നീതിമാന്മാര്‍ ആയ സിദ്ധന്മാര്‍
ജീവനും വെറുത്ത വീരന്മാര്‍
വീണകള്‍ ഏന്തി ഗാനം പാടുമ്പോള്‍
ഞാനും ചേര്‍ന്നു പാടിടുമേ

കൈകളാല്‍ തീര്‍ക്കപ്പെടതതാം
പുതുശാലേം നഗരമതില്‍
സദാ കാലം ഞാന്‍ മണവാട്ടിയായ്‌
പരനോട് കൂടെ വാഴുമേ

നാഥന്‍ പേര്‍ക്കായ്‌ സേവ ചെയ്തതാല്‍
താതനെന്നെ മാനിക്കുവനായ്
തരുമോരോരോ ബഹുമാനങ്ങള്‍
വിളങ്ങിടും കിരീടങ്ങളായ്

രചന: പി. പി. മാത്യു
ആലാപനം: ബിജു & ടീം
പശ്ചാത്തല സംഗീതം: സുനില്‍ സോളമന്‍

ആലാപനം: കെസ്റ്റര്‍

The Latest

To Top