Charles John

യേശുവിന്‍ പിന്‍പേ പോകും ഞങ്ങള്‍

യേശുവിന്‍ പിന്‍പേ പോകും ഞങ്ങള്‍
ജയത്തിന്‍ ഗീതം പാടി മുദാ
മൃത്യുവെ വെന്ന കര്‍ത്തന്‍ നമ്മെ
നിത്യതയെത്തുവോളം നടത്തിടും

പാടിടാം ജയ്‌ ജയ്‌ പാടിടാം ജയ്‌ ജയ്‌
നമ്മുടെ നാഥന്‍ ജീവിക്കുന്നു

സത്യവും ജീവ മാര്‍ഗവുമാം
ക്രിസ്തുവില്‍ നമ്മള്‍ ധന്യരല്ലോ
നിത്യ സന്തോഷം അത്യധികം
മര്‍ത്ത്യരില്‍ നമ്മള്‍ക്കല്ലാതാര്‍ക്കുമില്ല

നിസ്തുല സ് നേഹ നിത്യ ബന്ധം
ക്രിസ്തുവിലുണ്ട് വാസ്തവമായ്‌
ആപത്തോ വാളോ മൃത്യുവിനോ
ഈ ബന്ധം നീക്കിടുവാന്‍ സാദ്ധ്യമല്ല

മഹത്വ രാജന്‍ യേശു നാഥന്‍
മന്നില്‍ വന്നിടും നാലടുത്തു
ഉണരാം നാം ബലം ധരിച്ചിടാം
അവന്റെ വേല മന്നില്‍ തികച്ചിടാം

രചന: ചാള്‍സ് ജോണ്‍

Most Popular

To Top