Uncategorized

യാഹെന്ന ദൈവമെന്‍ ഇടയനഹോ

യാഹെന്ന ദൈവമെന്‍ ഇടയനഹോ
യാതൊരു കുറവുമില്ലെനിക്കിനിയും
പച്ചപ്പുല്‍പുറത്തെന്നെ കിടത്തുന്നവന്‍
നിശ്ചല ജലമെന്നെ കുടിപ്പിക്കുന്നു

സന്തതമെന്‍ ഉള്ളം തണുപ്പിക്കുന്നു
തന്‍ തിരു പാതയില്‍ നടത്തുന്നെന്നെ
കൂരിരുള്‍ താഴ്വര അതില്‍ നടന്നാല്‍
സാരമില്ലെനിക്കൊരു ഭയവുമില്ല

ഉന്നതന്‍ എന്നോട് കൂടെയുണ്ട്
തന്നിടുന്നാശ്വാസം തന്‍ വടിയാല്‍
എനിക്കൊരു വിരുന്നു നീ ഒരുക്കിടുന്നു
എന്നുടെ വൈരികളില്‍ നടുവില്‍

ശിരസ്സിനെയഖിലവും അനുദിനവും
പൂശുന്നു സൌരഭ്യ തൈലമതാല്‍
എന്നുടെ പാനപാത്രം ദിനവും
ഉന്നതന്‍ കരുണയാല്‍ കവിഞ്ഞിടുന്നു

നന്മയും കരുണയും എന്നായുസ്സില്‍
ഉണ്മയായ്‌ തുടര്‍ന്നിടും ദിനവുമഹൊ
സ്വര്‍ഗീയ ആലയം തന്നിലീ ഞാന്‍
ദീര്‍ഘകാലം വസിക്കും ശുഭമായ്‌

Most Popular

To Top