Uncategorized

പ്രാര്‍ത്ഥനയ്ക്കുത്തരം നല്കുന്നോനെ

പ്രാര്‍ത്ഥനയ്ക്കുത്തരം നല്കുന്നോനെ
നിന്റെ സന്നിധിയില്‍ ഞാന്‍ വരുന്നേ
സ്വര്‍ഗീയാനുഗ്രഹ ഭണ്ഡാരത്തിന്‍
വാതില്‍ തുറക്കണമേ

കേള്‍ക്കണേ എന്‍ പ്രാര്‍ത്ഥന
നല്‍കണേ എന്‍ യാചന

പുത്രന്റെ നാമത്തില്‍ ചോദിക്കുമ്പോള്‍
ഉത്തരം തരുമെന്നരുളിയോനേ
നീക്കം വരാത്ത നിന്‍ വാഗ്ദത്തമെന്‍
പേര്‍ക്ക് നീ തന്നുവല്ലോ

വചനമെന്‍ ആത്മാവിന്‍ ദാഹം തീര്‍പ്പാന്‍
അരുളുക ദാസരില്‍ വരമധികം
പകരുക ആത്മാവിന്‍ തിരുശക്തിയാല്‍
നിറയുവാന്‍ നിന്‍ ജനങ്ങള്‍

പാപവും രോഗവും അകറ്റിടുവാന്‍
രുധിരത്തിന്‍ അത്ഭുത ശക്തിയിന്നു
അറിയുവാന്‍ ഇവിടെ വിശ്വാസത്തിന്റെ
ഹൃദയങ്ങള്‍ തുറക്കണമേ

ആലാപനം: വിമ്മി

The Latest

To Top