M E Cheriyan

പ്രതിഫലം തന്നിടുവാന്‍

പ്രതിഫലം തന്നിടുവാന്‍
യേശു രാജന്‍ വന്നിടുവാന്‍
അധികമില്ലിനിയും നാളുകള്‍
നമ്മുടെ ആധികള്‍ തീര്‍ന്നിടുവാന്‍

ദൈവിക ഭവനമതില്‍
പുതു വീടുകള്‍ ഒരുക്കിയവന്‍
വരും മേഘമതില്‍ നമ്മെ ചേര്‍ത്തിടുവാന്‍
നടുവാനില്‍ ദൂതരുമായ്‌

തന്‍ തിരു നാമത്തിനായ്
മന്നില്‍ നിന്ദകള്‍ സഹിച്ചവരെ
തിരു സന്നിധൌ ചേര്‍ത്തു തന്‍ കൈകളാല്‍
അവരുടെ കണ്ണുനീര്‍ തുടച്ചിടുവാന്‍

സ്വന്ത ജനത്തിനെല്ലാം
പല പീഡകള്‍ ചെയ്തവരെ
വന്നു ബന്ധിതരാക്കി അധര്‍മ്മികളാം
അവര്‍ക്കന്തം വരുത്തിടുവാന്‍

വിണ്ണിലുള്ളത് പോലെ
ഇനി മണ്ണിലും ദൈവഹിതം
പരിപൂര്‍ണമായ് ദൈവിക രാജ്യമീ പാരിലും
സ്ഥാപിതമാക്കിടുവാന്‍

കാലമെല്ലാം കഴിയും
ഇന്നു കാണ്മതെല്ലാം അഴിയും
പിന്നെ പുതുയുഗം വിരിയും തിരികെ വരാതെ
നാം നിത്യതയില്‍ മറയും

രചന: എം. ഇ. ചെറിയാന്‍

The Latest

To Top