ECHOS

നീതിമാന്മാരിന്‍ കൂടാരങ്ങളില്‍

നീതിമാന്മാരിന്‍ കൂടാരങ്ങളില്‍
ജയ സംഗീതങ്ങള്‍ പാടിടുവിന്‍
യേശുവില്‍ വിശ്വസിച്ചാര്‍ത്തിടുവിന്‍ , ജയ സന്തോഷമേ!

ജയ സന്തോഷമേ! ജയ സന്തോഷമേ!
യേശുവില്‍ വിശ്വസിച്ചാശ്രയിച്ചാല്‍ ജയ സന്തോഷമേ!

വൈരിയിന്‍ പാശങ്ങള്‍ ഛേദിക്കുവാന്‍
സ്വര്‍ഗീയ തേജസ്സുപേക്ഷിച്ചു താന്‍
മര്‍ത്യര്‍ക്കുദ്ധാരണം നല്കീടിനാന്‍ , ജയ സന്തോഷമേ

നിത്യമാം നീതിക്കായുയിര്‍ത്തു താന്‍
മൃത്യുവിന്‍ ഭീതി സംഹരിച്ചു താന്‍
നിത്യ സമാധാനം വരുത്തി താന്‍ , ജയ സന്തോഷമേ

തേജസ്സില്‍ വേഗത്തില്‍ വന്നിടും താന്‍
വ്യാജമാം പൂജകള്‍ നീക്കിടുവാന്‍
രാജത്വം ആശ്രിതര്‍ക്കേകിടുവാന്‍ , ജയ സന്തോഷമേ

രചന: വി. നാഗല്‍
ആലാപനം: എം. വി. സണ്ണി
പശ്ചാത്തല സംഗീതം: വി. ജെ. ജേക്കബ്‌

Most Popular

To Top