ECHOS

നന്ദി ചൊല്ലിടാം എന്നും മോദാല്‍

നന്ദി ചൊല്ലിടാം എന്നും മോദാല്‍
നാഥന്‍ ചെയ്ത നന്മകള്‍ ഓരോന്നോര്‍ത്തിടാം

ആവശ്യങ്ങള്‍ ഓരോന്നും നല്ല താതനറിഞ്ഞു
ക്ഷേമമായ് ദിനം തോറും പോറ്റീടുന്നതാല്‍
ആകുലങ്ങളെന്തിന് ദൈവത്തിന്റെ പൈതല്‍ നീ
നിന്റെ ഭാവി അവനില്‍ ഭദ്രമല്ലയോ

പക്ഷികളെ നോക്കുവിന്‍ വിത്തില്ല വിതയില്ല
എന്നാലും അവയെല്ലാം ജീവിക്കുന്നതാല്‍
ചന്തമുള്ളോരാമ്പലും ശരോനിന്‍ പനിനീരും
നെയ്തിടാതവയെല്ലാം എത്ര മോഹനം

തുഛമായോരിവയെ ഇത്രമേല്‍ കരുതുന്നോന്‍
അന്‍പുള്ള തന്‍ മക്കളെ മറന്നിടുമോ?
മുന്‍പേ തന്റെ രാജ്യവും നീതിയും തേടുവിന്‍
സര്‍വ്വവും അവന്‍ നല്‍കും തന്‍ കരുണയാല്‍

ആലാപനം: സോണിയ ബോബന്‍
പശ്ചാത്തല സംഗീതം: ജോസ് മാടശേരില്‍

The Latest

To Top