Charles John

നടത്തിടുന്നു ദൈവമെന്നെ നടത്തിടുന്നു

നടത്തിടുന്നു ദൈവമെന്നെ നടത്തിടുന്നു
നാള്‍തോറും തന്‍ കൃപയാലെന്നെ നടത്തിടുന്നു

ഭൌമിക നാളുകള്‍ തീരും വരെ
ഭദ്രമായ്‌ പാലിക്കും പരമനെന്നെ
ഭാരമില്ല തെല്ലും ഭീതിയില്ല
ഭാവിയെല്ലാം അവന്‍ കരുതിക്കൊള്ളും

കൂരിരുള്‍ തിങ്ങിടും പാതകളില്‍
കൂട്ടുകാര്‍ വിട്ടുപോം വേളകളില്‍
കൂട്ടിനവന്‍ എന്റെ കൂടെ വരും
കൂടാര മറവില്‍ അഭയം തരും

ആരിലും എന്‍ മനോ ഭാരങ്ങളെ
അറിയുന്ന വല്ലഭന്‍ ഉണ്ടെനിക്ക്
ആകുലത്തില്‍ എന്റെ വ്യാകുലത്തില്‍
ആശ്വാസം അവനെനിക്കേകിടുന്നു

ശോധനയാല്‍ ഉള്ളം തകര്‍ന്നിടിലും
വേദനയാല്‍ കണ്കള്‍ നിറഞ്ഞിടിലും
ആനന്ദമാം പരമാനന്ദമാം
അനന്ത സന്തോഷത്തിന്‍ ജീവിതമാം

രചന: ചാള്‍സ് ജോണ്‍
ആലാപനം: കുട്ടിയച്ചന്‍

ഈ ഗാനം ശ്രവിക്കുവാന്‍ സന്ദര്‍ശിക്കുക:

ചാള്‍സ് ജോണ്‍ രചിച്ച ഗാനങ്ങളുടെ വിഭാഗത്തില്‍ ഗാനം ലഭ്യമാണ്

ആലാപനം: കോട്ടയം ജോയ്

Most Popular

To Top