James John

ദൈവത്തിന്‍ പൈതലേ ക്ലേശിക്ക വേണ്ട നീ

ദൈവത്തിന്‍ പൈതലേ ക്ലേശിക്ക വേണ്ട നീ
നിന്‍ ദൈവം ശക്തനാം ദൈവം താന്‍

കളിമണ്ണിനാല്‍ നിന്നെ സൃഷ്ടിച്ച ദൈവം താന്‍
നിന്നുടെ ദൈവമെന്നോര്‍ക്ക നീ

മിസ്രേമിന്‍ അടിമയില്‍ നിന്നു തന്‍ മക്കളെ
വിടുവിച്ച വന്‍ കരം ഉള്ളവന്‍

യിസ്രായേല്‍ ജനത്തിനായ്‌ ചെങ്കടല്‍ ഭാഗിച്ചോന്‍
നിന്നോട് കൂടെന്നും ഉണ്ടല്ലോ

മരുഭൂവില്‍ മന്നയാല്‍ അവരെ പോഷിപ്പിച്ച
കാരുണ്യവാനല്ലോ നിന്‍ പ്രിയന്‍

പാറ പിളര്‍ന്നു തന്‍ ജനത്തിന്‍ ദാഹം തീര്‍ത്ത
യിസ്രായേലിന്‍ ദൈവം നിന്‍ പ്രിയന്‍

കടലിന്മേല്‍ നടന്നവന്‍ കാറ്റിനെ ശാസിച്ചോന്‍
തിരകളടക്കിയോന്‍ നിന്‍ പ്രിയന്‍

കുരുടര്‍ക്ക് കാഴ്ചയും ചെകിടര്‍ക്ക് കേള്‍വിയും
നല്കിയ ദൈവം താന്‍ നിന്‍ പ്രിയന്‍

ചെറിയോരഞ്ചപ്പത്താല്‍ അയ്യായിരങ്ങളെ
പോഷിപ്പിച്ചോനല്ലോ നിന്‍ പ്രിയന്‍

ദാഹിക്കുവോര്‍ക്കെല്ലാം ജീവ ജലം നല്കും
ജീവന്നുറവ താന്‍ നിന്‍ പ്രിയന്‍

ഭാരങ്ങളൊക്കെയും തന്മേല്‍ നീ വയ്ക്കുക
എല്ലാം ചുമന്നിടും ശക്തനില്‍

ആലാപനം: ജെയിംസ്‌ ജോണ്‍

Most Popular

To Top