K G Markose

ദൈവത്തിനു സ്‌തോത്രം ചെയ്തിടുവിന്‍

സങ്കീര്‍ത്തനം 136

ദൈവത്തിനു സ്‌തോത്രം ചെയ്തിടുവിന്‍
അവന്‍ നല്ലവനല്ലോ ദയ എന്നുമുള്ളത്
ഏകനായ്‌ മഹാത്ഭുതങ്ങള്‍ ചെയ്തിടുന്നോനെ
ഏകമായ് വണങ്ങി പാടിടാമെന്നും

താന്‍ നല്ലവനല്ലോ ദയ എന്നുമുള്ളത്
താന്‍ വല്ലഭനല്ലോ സ്തുതി എന്നുമവന്
താന്‍ ഉന്നതനല്ലോ കൃപ ചെയ്തിടുമല്ലോ
തന്‍ സന്നിധിയിലെന്നും പ്രമോദമുണ്ടല്ലോ

ജ്ഞാനത്തോടാകാശത്തെ വാര്‍ത്തെടുത്തവന്‍
ഭൂമിയെ വെള്ളത്തിന്‍ മേല്‍ വിരിച്ചവന്‍
ജ്യോതി നല്കും സൂര്യ ചന്ദ്ര താര വൃന്ദത്തെ
മോടിയോടു വാനത്തില്‍ കൂട്ടിയവന്

താഴ്ചയില്‍ നമ്മെ ഓര്‍ത്താദരിച്ചല്ലോ
വീഴ്ച്ചയെന്നിയെ കാത്തോമനിച്ചല്ലോ
വൈരിയിന്‍ കൈയില്‍ നിന്നു വീണ്ടെടുത്തല്ലോ
ധൈര്യമായ്‌ നമുക്കും പാടിടാമല്ലോ

മാനവരിന്‍ സ് നേഹം മാറിടും നേരം
മാറിടാത്ത നിത്യ സ് നേഹിതന്‍ തന്നെ
നേരിടുന്ന എല്ലാ വ്യാകുലങ്ങളും
തീരുമേ തന്‍ ഉന്നത സന്നിധാനത്തില്‍

ആലാപനം: മാര്‍ക്കോസ്

Most Popular

To Top