Binoy Chacko

ദേവാധി ദേവന്‍ നീ രാജാധി രാജന്‍

ദേവാധി ദേവന്‍ നീ രാജാധി രാജന്‍
ദൂതന്മാര്‍ രാപ്പകല്‍ വാഴ്ത്തിടുന്നോന്‍
മണ്ണിലും വിണ്ണിലും ആരാധ്യനായി
ഉന്നത നന്ദനന്‍ നീ യോഗ്യനാം

നീയെന്നും യോഗ്യന്‍ നീയെന്നും യോഗ്യന്‍
ദൈവത്തിന്‍ കുഞ്ഞാടെ നീ യോഗ്യനാം
സ്‌തോത്രം സ്തുതി ബഹുമാനങ്ങളെല്ലാം
സ്വീകരിപ്പാന്‍ എന്നും നീ യോഗ്യനാം

സ്വര്‍ഗ്ഗ സുഖം വെടിഞ്ഞെന്‍ പാപം തീര്‍ക്കാന്‍
ദൈവത്തിന്‍ കുഞ്ഞാടായ് ഭൂവില്‍ വന്നു
നീ അറുക്കപ്പെട്ടു നിന്‍ നിണം കൊണ്ടു
വീണ്ടെടുത്തെന്നെയും നീ യോഗ്യനാം

ക്രൂശിലാ കൂരിരുളില്‍ ഏകനായി
ദൈവത്താല്‍ കൈവിടപ്പെട്ടവനായ്‌
നീ സഹിച്ചു ദൈവ കോപമതെല്ലാം
എന്‍ പാപം മൂലമായ്‌ നീ യോഗ്യനാം

പാതകര്‍ മദ്ധ്യത്തില്‍ പാതകനെ പോല്‍
പപമായ്‌ തീര്‍ന്നു നീ ക്രൂശതിന്മേല്‍
നീ മരിച്ചു എന്റെ പാപങ്ങള്‍ പോക്കി
എന്തൊരു സ് നേഹമേ നീ യോഗ്യനാം

രചന: പൌലോസ് തുടിയന്‍
ആലാപനം: ബിനോയ്‌ ചാക്കോ
പശ്ചാത്തല സംഗീതം: വി. ജെ. ജേക്കബ്‌

ആലാപനം: ജിജി സാം
പശ്ചാത്തല സംഗീതം: സാംസണ്‍ കോട്ടൂര്‍

Most Popular

To Top