Joy John

ദൂതഗണം വാഴ്ത്തിടുന്ന ത്രീയേകനേ

ദൂതഗണം വാഴ്ത്തിടുന്ന ത്രീയേകനേ
സ്തുതി സ്തോത്ര ബഹുമാനത്തിനു യോഗ്യനേ
അതിമോദാല്‍ തിരുമുന്‍പില്‍ വണങ്ങിടുന്നു
അധിപനേ നിന്‍ സന്നിധെ കുമ്പിടുന്നു

ഉലകവും അതിലുള്ള സകലത്തെയും
ഉളവാക്കി നിന്റെ വാക്കിന്‍ ശക്തിയാലെ നീ
ഉന്നതനാം സൃഷ്ടിതാവേ യോഗ്യനേശുവേ
ഉയര്‍ന്ന നിന്‍ സിംഹാസനെ വീഴുന്നിതാ

ശാശ്വതമാം പാറയായി വാഴുന്നോനും
ശ്വാസം തന്റെ സൃഷ്ടികള്‍ക്ക് നല്കുന്നോനും
സകല ജീവ ജാലത്തെയും പാലിപ്പോനെ
സര്‍വ ശക്താ നിന്നെ മാത്രം വാഴ്ത്തിടുന്നു

രചന: ജോയ് ജോണ്‍
ആലാപനം: മാത്യു ജോണ്‍

ആലാപനം: ജിജി സാം

Most Popular

To Top