Issac John

കാഹളം കാതുകളില്‍ കേട്ടിടാറായ്‌

കാഹളം കാതുകളില്‍ കേട്ടിടാറായ്‌
ദൈവദൂതര്‍ പൊന്‍ വീണകള്‍ മീട്ടിടാറായ്
യേശു താനരുളിയ വാഗ്ദത്തം നിറവേറാന്‍
കാലങ്ങള്‍ നമ്മെ വിട്ടു പായുകയായ്‌

സമാധാനമില്ല ഭൂവില്‍ അനുദിനം നിലവിളി
പടര്‍ന്നുയരുകയായ് ധരണി തന്നില്‍
ദൈവത്തില്‍ പൈതങ്ങള്‍ക്കാനന്ദം – ധരണിയില്‍
ക്ലേശിപ്പാന്‍ ലവലേശം സാദ്ധ്യമല്ല

ജനിച്ചു പ്രവൃത്തി ചെയ്തു മരിച്ചു മൂന്നാം ദിനത്തില്‍
മരണത്തെ ജയിച്ചേശു ഉയരത്തില്‍ പോയ്
പാപവും ശാപവും നീക്കി താന്‍ ജയം നല്കി
പാപികള്‍ക്കവന്‍ നിത്യ ശാന്തി നല്കി

പാടുവിന്‍ നവഗാനം അറിയിപ്പിന്‍ സുവിശേഷം
ദൈവരാജ്യം ആസന്നമായ്‌ മനം തിരിവിന്‍
യരിഹോവിന്‍ മതിലുകള്‍ തകര്‍ത്തിടാന്‍ ഉണരുവിന്‍
കാഹളം മുഴക്കിടാം ദൈവ ജനമേ

ആലാപനം: കുട്ടിയച്ചന്‍
പശ്ചാത്തല സംഗീതം: ഐസക് ജോണ്‍

Most Popular

To Top