Albert Vijayan

കര്‍ത്താവിലെന്നും എന്റെ ആശ്രയം

കര്‍ത്താവിലെന്നും എന്റെ ആശ്രയം
കര്‍തൃസേവ ഒന്നേ എന്റെ ആഗ്രഹം
കഷ്ടമോ നഷ്ടമോ എന്ത് വന്നിടിലും
കര്‍ത്താവിന്‍ പാദം ചേര്‍ന്നു ചെല്ലും ഞാന്‍

ആര്‍ത്തു പാടി ഞാന്‍ ആനന്ദത്തോടെ
കീര്‍ത്തനം ചെയ്തെന്നും വാഴ്ത്തുമേശുവേ
ഇത്ര നല്‍ രക്ഷകന്‍ വേറെയിലൂഴിയില്‍
ഹല്ലേലുയ്യ പാടും ഞാന്‍ !

വിശ്വാസത്താല്‍ ഞാന്‍ യാത്ര ചെയ്യുമെന്‍
വീട്ടിലെത്തുവോളം ക്രൂശിന്‍ പാതയില്‍
വന്‍ തിര പോലോരോ ക്ലേശങ്ങള്‍ വന്നാലും
വല്ലഭന്‍ ചൊല്ലില്‍ എല്ലാം മാറിടും

എന്‍ സ്വന്ത ബന്ധു മിത്രരേവരും
എന്നെ കൈവിട്ടാലും ഖേദമെന്തിനാ
കൈവിടില്ലെന്നവന്‍ വാഗ്ദത്തമുണ്ടതില്‍
ആശ്രയിച്ചെന്നും ആശ്വസിക്കും ഞാന്‍

തന്‍ സ്വന്ത ജീവന്‍ തന്ന രക്ഷകന്‍
തള്ളുകില്ല ഏത് ദു:ഖ നാളിലും
തന്‍ തിരു കൈകളാല്‍ താങ്ങി നടത്തിടും
തന്‍ സ് നേഹം ചൊല്ലാന്‍ പോര വാക്കുകള്‍

രചന: ജോര്‍ജ് പീറ്റര്‍
പശ്ചാത്തല സംഗീതം: ആല്‍ബര്‍ട്ട് വിജയന്‍

The Latest

To Top