Chithra

കണ്ടാലും കാല്‍വരിയില്‍

കണ്ടാലും കാല്‍വരിയില്‍
കുരിശില്‍ ശിരസ്സതും ചാഞ്ഞു പരന്‍
കണ്ടീടുക പ്രിയനേ നിനക്കായ്
തൂങ്ങിടുന്നു മൂന്നാണികളില്‍

ശിരസ്സില്‍ മുള്‍മുടിയണിഞ്ഞവനായ്‌
ഹൃദയം നിന്ദയാല്‍ തകര്‍ന്നവനായ്
വേദനയാല്‍ ഏറ്റം വലഞ്ഞവനായ്
തന്‍ ജീവനെ വെടിയുന്നു സ്വയം നിനക്കായ്

ലോക സ്ഥാപനം മുതല്‍ അറുക്കപ്പെട്ട
കളങ്കമില്ല ദൈവ കുഞ്ഞാടിതാ
ലോകത്തിന്‍ പാപങ്ങള്‍ ചുമന്നു കൊണ്ടു
വാനിനും ഭൂവിനും മദ്ധ്യേ തൂങ്ങിടുന്നു

സമൃദ്ധിയായ് ജീവജലം തരുവാന്‍
പാനീയ യാഗമായ്‌ തീര്‍ന്നവന്
കൈപ്പുനീര്‍ ദാഹത്തിനേകിടവേ
നിനക്കായ്‌ അവനായതും പാനം ചെയ്തു

തന്‍ തിരു മേനി തകര്‍ന്നതിനാല്‍
തങ്ക നിണം ചിന്തിയതിനാല്‍
നിന്‍ വിലയല്ലോ നല്‍കിയവന്‍
നിന്നെ സ്വര്‍ഗീയ സംപൂര്‍ണന്‍ ആക്കിടുവാന്‍

ആലാപനം: ചിത്ര
പശ്ചാത്തല സംഗീതം: സുനില്‍ സോളമന്‍

Most Popular

To Top