Graham Varghese

ഒരു ചെറു താരകം പോല്‍

ഒരു ചെറു താരകം പോല്‍
ഒരു ചെറു കൈത്തിരി പോല്‍
വിളങ്ങണം നിനക്കായി
എന്‍ നാളുകള്‍ തീരും വരെ

എന്‍ കുറവുകള്‍ ഓര്‍ക്കാതെ
എന്‍ വീഴ്ചകള്‍ കണക്കിടാതെ
നിന്‍ കൃപകള്‍ ചൊരിഞ്ഞെന്നെ
നിന്‍ പാതെ നടത്തിടണേ

പല വിധമാം ശോധനയിന്‍
വലയിന്‍ ഞാന്‍ അകപ്പെടുമ്പോള്‍
വലഞ്ഞിടാതെ നിന്നിടുവാന്‍
ബലമെനിക്കേകിണേ

പെരും താപത്താല്‍ അലഞ്ഞിടുമ്പോള്‍
വെറും നാമമാത്രമായ്‌ തീരുമ്പോള്‍
തിരു കരങ്ങളാല്‍ താങ്ങി എന്നെ
തിരു മാര്‍വോടണച്ചീടണേ

എന്‍ താലന്തുകള്‍ അഖിലം
എന്‍ മാനവും ധനവുമെല്ലാം
എന്‍ ജീവിതം സംപൂര്‍ണമായ്‌
നിന്‍ മുന്‍പില്‍ സമര്‍പ്പിക്കുന്നെ

രചന: ഗ്രഹാം വര്‍ഗീസ്‌
ആലാപനം: ജൂലിയ സണ്ണി
പശ്ചാത്തല സംഗീതം: സുനില്‍ സോളമന്‍

The Latest

To Top