Aby Salvin Thomas

എന്നെ കരുതുന്ന വിധങ്ങള്‍ ..

എന്നെ കരുതുന്ന വിധങ്ങളോര്‍ത്താല്‍ ,
നന്ദിയാലുള്ളം നിറഞ്ഞിടുന്നു
എന്നെ നടത്തുന്ന വഴികളോര്‍ത്താല്‍ ,
ആനന്ദത്തിന്‍ അശ്രു പോഴിഞ്ഞിടുമേ

യേശുവേ രക്ഷകാ, നിന്നെ ഞാന്‍ – സ് നേഹിക്കും –
ആയുസ്സിന്‍ നാളെല്ലാം, നന്ദിയാല്‍ പാടിടും

പാപക്കുഴിയില്‍ ഞാന്‍ താണിടാതെന്‍
പാദം ഉറപ്പുള്ള പാറമേല്‍ നിര്‍ത്തി
പാടാന്‍ പുതു ഗീതം നാവില്‍ തന്നു,
പാടും സ്തുതികള്‍ എന്നേശുവിനു

ഉള്ളം കലങ്ങിടും വേളയിലെന്‍
ഉള്ളില്‍ വന്നെശു ചൊല്ലിടുന്നു
തെല്ലും ഭയം വേണ്ട എന്‍ മകനെ,
എല്ലാ നാളും ഞാന്‍ കൂടെയുണ്ട്

ഓരോ ദിവസവും വേണ്ടതെല്ലാം
വേണ്ടുംപോള്‍ നാഥന്‍ നല്‍കീടുന്നു
തിന്നു തൃപ്തനായ്‌ തീര്‍ന്ന ശേഷം
നന്ദിയാല്‍ സ്‌തോത്രം പാടുമെന്നും

ദേഹം ക്ഷയിച്ചാലും യേശുവേ നിന്‍
സ് നേഹം ഘോഷിക്കും ലോകമെങ്ങും
കാണാന്‍ കൊതിക്കുന്നെ നിന്‍ മുഖം ഞാന്‍
കാന്താ വേഗം നീ വന്നിടണേ

രചന: ഗ്രഹാം വര്‍ഗീസ്‌
ആലാപനം : കെസ്റ്റര്‍
പശ്ചാത്തല സംഗീതം : അബി സാല്‍വിന്‍

Most Popular

To Top