Binoy Chacko

ആരുമില്ലീയുലകില്‍ എനിക്കെന്‍ യേശുവെപ്പോലൊരുവന്‍

ആരുമില്ലീയുലകില്‍ എനിക്കെന്‍
യേശുവെപ്പോലൊരുവന്‍
കരുതിടുവാന്‍ കരംപിടിച്ചു നടത്താന്‍
കൈത്താങ്ങലേകിടുവാന്‍

എന്നുടെയാവശ്യങ്ങള്‍ എല്ലാം
മുന്നമേ അറിയുന്നവന്‍
തന്നുടെ കലവറയില്‍ എനിക്കൊന്നിനും
കുറവ് വരികയില്ല..

കൂരിരുള്‍ താഴ്വരയില്‍
എനിക്ക് കൂട്ടായവന്‍ വരുമേ
വൈരികള്‍ നടുവിലും മേശയൊരുക്കിടും
പ്രാണനെ കാത്തുകൊള്ളും

ആധികള്‍ വ്യാധികളാല്‍
എന്റെ ദേഹം ക്ഷയിച്ചിടിലും
ആനന്ദമുണ്ടെനിക്കേശുവിലെന്‍
മനം പാടിടും ഹല്ലെലുയ്യ

രചന: തോമസ്‌കുട്ടി കെ. ഐ.
ആലാപനം: ബിനോയ്‌ ചാക്കോ
പശ്ചാത്തല സംഗീതം: വയലിന്‍ ജേക്കബ്‌
Share/Bookmark

The Latest

To Top